Вооружени напаѓачи во северозападна Нигерија денеска ја запалија резиденцијата на католичкиот свештеник Исак Ачи, кој изгоре во пожарот, а пукаа и рани друг свештеник, отец Колинс, соопшти полицијата.
Васиу Абиодун, портпарол на полицијата на државата Нигер, рече дека вооружени напаѓачи ја запалиле резиденцијата на отец Исак Ачи, од католичката црква Свети Петар и Павле, во областа на локалната самоуправа Паикоро, откако не успеале да влезат околу 3 часот наутро, објави Ројтерс.
Отец Ачи бил запален, додека друг свештеник идентификуван како отец Колинс, кој бил во куќата, бил застрелан и повреден додека се обидувал да избега.
