Пет лица загинаа, а 37 се повредени во голем пожар што избувна денеска на автопат во Јужна Кореја, соопштија од итните служби на земјата.
Националната противпожарна агенција соопшти дека тројца од повредените се во тешка состојба, а 34 лица се полесно повредени, пренесува АП.
Медиумите јавуваат дека пожарот избувнал кога се судриле автобус и камион.
Официјален претставник на јужнокорејската национална противпожарна агенција на местото на настанот изјави дека причината сè уште е под истрага и пожарот е изгаснат.
