Дојави за подметнати бомби на електронски адреси утрово добиле неколку основни училишта во Скопје. Во тек е евакуација на учениците во основните училишта „Љубен Лапе“ и „Александар Македонски“, „Лазо Ангеловски“ и „Браќа Миладиновци“ во Аеродром, а се евакуираат и учениците од гимназијата „Георги Димитров“ во Тафталиџе.
„Утрово имаме пријави од училишта во Скопје. Подетални информации ќе имаме подоцна“, кусо велат од МВР.
Вчера дојави за бомби на електронските адреси добија 15 скопски училишта. Единицата за антитероризам, по проверките, утврди дека сите дојави се лажни.
