Алијансата на либерали и демократи за Европа (АЛДЕ) денеска ја усвои резолуцијата предложена од Либерално-демократската партија (ЛДП) за укинување на трошоците за роаминг услуги во јавните мобилни комуникациски мрежи и меѓусебно признавање на универзитетски дипломи и професионални квалификации меѓу ЕУ и земјите од Западен Балкан, вели претседателката на ЛДП Моника Зајкова.
– Бесплатната роаминг зона ќе ја подобри мобилноста, соработката, регионалниот развој, интеграцијата за речиси 18 милиони граѓани и е “отскочна штица“ во дигиталната трансформација на регионот. Ова е значаен чекор на Западен Балкан во усогласувањето со принципите и практиките на единствениот дигитален пазар на ЕУ. Очекуваме дека за примената на оваа мерка ќе се преземат конкретни чекори на претстојниот европски самит за земјите од Западен Балкан кој ќе се одржи на 6-ти месецов во Тирана. Заемното признавање на универзитетските дипломи и професионалните квалификации меѓу ЕУ и земјите од Западен Балкан ќе се усогласат со принципите на Европската област за високо образование наведени во поглавјата на Болоњскиот процес и Конвенцијата за признавање на квалификации за високото образование во европскиот регион. Со тоа конечно граѓаните од Македонија и Западен Балкан полесно ќе комуницираат и ќе бидат конкурентни на европскиот пазар. Се надеваме дека и оваа мерка ќе биде имплементирана до крајот на 2023 година како што истакнавме во резолуцијата – истакна Зајкова.
Таа додава дека воведување на концептот „Рим како дома“ помеѓу земјите-членки на ЕУ и земјите од Западен Балкан. Треба да се отстранат сите тарифи за роаминг, што значи дека нема доплата на домашната малопродажна цена за разговори, СМС и податоци додека сте во роаминг во предвидениот период.
Потребно е итно меѓусебно признавање на универзитетските дипломи и професионалните квалификации меѓу ЕУ и земјите од Западен Балкан до крајот на 2023 година.Како и итно ставање на овие две теми на агендата на самитот ЕУ-Западен Балкан на 6ти декември 2022 година во Тирана.
