Во Пекинг, поради зголемувањето на бројот на заболени од корона, затворени се продавниците, освен оние во кои се продаваат најосновните артикли, како и рестораните, а дозволата за изведување настапи во еден од најстарите и најпознатите театрите во главниот град на Кина, Јичијанг, се одложени, објави денеска АП.
Кинеските власти денеска објавија дека се регистрирани 24.263 нови заболени од корона, од кои 515 се во Пекинг. Огромното мнозинство од новозаразените лица немале никакви симптоми, соопштија здравствените служби.
Карантини и други строги контролни мерки се воведени низ Кина, а на жителите на Пекинг им се советува да не ги напуштаат своите домови освен ако е апсолутно неопходно. Пристапот до елитниот универзитет во Пекинг е забранет од средата.
Луѓето кои биле на пазарот во југоисточниот дел на Пекинг, каде беше откриен случај на корона, беа ставени во карантин во хотел на сопствен трошок.
