Mарк Закерберг го потврди воведувањето на Вотсап заедници (WhatsApp Communities), најнова карактеристика на апликацијата што служи како надградба на Групи (Groups).
„Денес започнуваме заедници на Вотсап. Воведуваме и анкети и видеоповици во кои можат да учествуваат 32 лица. Вашите пораки остануваат приватни,“ напиша Закерберг на Фејсбук.
Communities се наменети за организирање повеќе групни разговори на едно место. На пример, училиште, населба или канцеларија може да се поврзат со неколку различни разговори. Администраторите потоа можат да испраќаат пораки до сите во таа заедница. Новата функција ќе им овозможи на корисниците да креираат и да учествуваат во анкети. Функцијата ќе се појави како картичка на врвот на апликацијата.
За разлика од Фејсбук-групите, Вотсап-заедниците не се јавни и не можете да ги пребарувате – сè функционира преку покани.
