Приведени двајца криумчари синоќа на автопатот Скопје-Гевгелија, на наплатна рампа „Смоквица“, а во нивното возило биле пронајдени 16 мигранти од Индија.
Според информациите, се работи за Б.З.(27) од Скопје и П.К.(22) од с.Инџиково, скопско.
Меѓу мигрантите имало и едно женско лице.
Мигрантите биле спроведени во прифатно-транзитен центар, а за случајот бил известен надлежен Јавен обвинител. Лицата биле задржани во полициска станица и по целосно документирање на случајот против нив ќе биде поднесена соодветна пријава.
