На патниците на авионскиот лет од Тампа до Њујорк им било речиси завршено патувањето кога при слетувањето сфатиле дека во авионот има уште еден непоканет патник.
Еден од патниците забележал змија под неговите нозе во моментот кога авионот слетувал на аеродромот Њуарк Либерти. Како што пишува Си-Ен-Ен, полицијата и вработените на аеродромот веднаш реагирале и ја отстраниле змијата, а важно е дека нема повредени.
Патникот изјавил дека патниците од бизнис класата почнале да врескаат и да ги креваат нозете додека авионот слетал на пистата. „Јунајтед ерлајнс“ соопшти дека членовите на екипажот побарале помош од службениците на аеродромот „откако патниците ги предупредиле“ за змијата.
Според Здружението за диви животни во Северна Каролина, се работи за градинарска змија која не е отровна и често се наоѓа во градините каде што помага во контролата на штетниците.
