Нина Талеска од танцовото студио BREAK A LEG го освои второто место на Светското првенство во хип-хоп, кое се одржува во Келце, Полска, освојувајќи сребрен медал во категоријата хип-хоп соло „Мини кидс“.
Со овој резултат, Талеска го постигна најголемиот успех за Македонија досега во оваа категорија, натпреварувајќи се со млади танчери од целиот свет.
„Овој успех е резултат на огромна посветеност, дисциплина и напорна работа. Горда сум на Нина и верувам дека ова е само почеток на нејзините големи успеси“, вели нејзината тренерка и кореографка Андријана Петковски.
Светското првенство се одржува од 17 до 24 октомври и обединува околу 4.000 танчери од 34 земји.
