„Да се даде ветување е убава работа се додека ветувањето станува реалност, но да ветуваш истото во секоја кампања и да се игра со чувствата и судбините на граѓаните е дефинитивно најгрдото нешто на светот“ соопштуваат од Алијанса за Албанците од огранокот во Струга.
Оттаму посочуваат дека „црниот чад од палењето на депонијата веќе два дена ги труе локалните жители и не само, сето тоа го докажуваат и резултатите од мерењето на загаденоста на воздухот“.
„Се поставува прашањето: колку концесионерски компании има? Имаше ли транспарентност при доделувањето на договорите за концесија? Дали инспекторатот за животна средина си ја врши работата? Додека сите чекаме одговор и крај на оваа грда ситуација, едно е сигурно: лицемерието на ДУИ, и нејзината квази „Зелена агенда“, го држи во заложништво здравјето на жителите на Лабуништа и пошироко“ велат од партијата.
