Премиерот Димитар Ковачевски не е дел дел од сопственичката структура на „Пиксел Гроуп Доо Скопје“, ниту пак е сопственик, изјави пратеничката на СДСМ, Даниела Марковска одговарајќи на новинарски прашања по обвинувањата од страна на опозициската ВМРО-ДПМНЕ.
Таа рече дека уште на 28 номеври 2020 година, Димитар Ковачевски во целост го повлекол износот на финансиските средства вложени за обезбедување на почетната ликвидност на компанијатa.
„Тоа е јавно соопштено, за да може целосно да се посвети на функцијата којашто тогаш ја извршуваше, земеник-министер за финансии. Сето ова може да види и во Анкетниот лист на премиерот. Очајно е ВМРО-ДПМНЕ, го напаѓа претседателот Ковачевски затоа што е чесен и затоа што работи за граѓаните додека Мицкоски се кара за тендери и провизии. Фатени со рацете во медот за тендер од 136 милиони евра ВМРО-ДПМНЕ и шпицниот градоначалник Мицкоски продолжуваат со фабрукување лаги и невистини за претседателот на СДСМ, Димитар Ковачевски“, изјави Марковска.
