Според британските и шпанските медиуми, Барселона сака да размени играч со Ливерпул.
Барселона сака да му го понуди Мемфис Депај на Ливерпул во замена за Роберто Фирмино, а размената би требало да биде комплетирана наредната сезона.
Депај е во втор план кај тренерот на Барселона, Чави Ернандез, од почетокот на сезоната има одиграно само 131 минута. Тој има договор со Барселона до крајот на сезоната, а во каталонскиот клуб пристигна минатата година како слободен играч.
Фирмино сака да го напушти „Енфилд“, бидејќи повеќе не е стартер во Ливерпул. Во дресот на Ливерпул одигра 335 натпревари на кои постигна 101 гол со 77 асистенции.
Тој има договор со Ливерпул до крајот на сезоната, а во англискиот клуб пристигна во 2015 година од Хофенхајм за 41 милион евра.
