Актуелниот европски првак Словенија ќе биде ослабен во завршницата на Европското првенство во кошарка. Помладиот од браќата Драгиќ, Зоран, посериозно се повреди во осминафиналето со Белгија и нема да може да им помогне на соиграчите до крајот на Евробаскет.
Зоран Драгиќ го повреди бутниот мускул, а лекарите проценуваат дека ќе мора да паузира околу два месеца.
„Не ми било судено да ѝ помогнам на репрезентацијата во клучните мечеви на европските првенства. Но, ќе ги бодрам од клупата, ќе бидам најгласниот навивач. Верувам дека момците ќе одиграат со срце и ќе радуваме на нов голем успех“, изјави Зоран Драгиќ.
Словенија во четвртфиналето ќе се сретне со Полска, а мечот е закажан за в среда од 20:30 часот.
