Борис Џонсон го напушти замокот Балморал во Шкотска откако се сретна со кралицата Елизабета Втора.
Бакингемската палата објави дека монархот ја прифатил неговата оставка.
Џонсон и неговата сопруга Кери поминале речиси 40 минути со кралицата пред да ја напуштат палатата неколку минути пред пладне.
Сега Лиз Трас ќе се упати во замокот за да се сретне со кралицата и официјално да биде именувана за следен премиер на Велика Британија. После тоа ќе се врати во Лондон каде ќе одржи говор пред Даунинг стрит.
Новата премиерка денеска најверојатно ќе избере нов кабинет.
