Австрија и Унгарија се единствените европски земји кои се уште немаат испорачано оружје на Украина во борбата против Русија, изјави шефот на украинската дипломатија Дмитро Кулеба.
„ Со исклучок на Унгарија и Австрија, испораката на оружје за Украина не е табу за ниту една европска земја“ нагласи тој, пренесува агенцијата „Укринформ“.
Многу земји, кои дотогаш не доставуваа оружје во воените зони, го променија својот став по, како што вели Кулеба, „почетокот на целосната агресија“.
„ Некои земји дури ги променија своите закони за да дозволат испорака на оружје во Украина“ – објасни тој.
Кулеба рече дека често има дискусии со западните партнери за тоа кое оружје и кога треба да се достави и дека таквите дискусии предизвикуваат секојдневни загуби на фронтот.