Младиот австралиски возач, Оскар Пјастри ја демантираше објавата на тимот на Алпин Ф1 дека во 2023 година ќе биде нивни возач покрај Естебан Окон како замена за Фернандо Алонсо, кој ќе премине во Астон Мартин.
Францускиот тим (во сопственост на Рено), денеска потврди дека 21-годишниот Пјастри ќе го замени Алонсо во 2023 година, но без негова изјав во објавата, а медиумите тврдеа дека менаџерот на Пјастри, ексвозачот Марк Вебер се договорил со Мекларен за Пјастри да го замени Даниел Рикардо во британскиот тим.
Пјастри, кој е возач на академијата на Алпин, преку социјалните мрежи објави дека нема да биде дел од тимот во 2023.
„Разбрав дека без моја согласност, Алпин Ф1 објавија попладнево дека ќе возам за нив следната сезона. Ова е погрешно и немам потпишано договор со Алпин за 2023. Нема да возам за Алпин следната година“, напиша Пјастри.
Ова е огромна срамота за францускиот тим, кој претходно призна дека дознале за преселбата на Алонсо во Астон Мартин во понеделникот наутро, кога беше објавено во медиумите.
I understand that, without my agreement, Alpine F1 have put out a press release late this afternoon that I am driving for them next year. This is wrong and I have not signed a contract with Alpine for 2023. I will not be driving for Alpine next year.
— Oscar Piastri (@OscarPiastri) August 2, 2022
Алпин го потврдијa Пјастри како замена за Алонсо