Во рамки на реализацијата на Стратешкиот дијалог меѓу Македонија и САД, американската Влада донесе одлука за издвојување на дополнителни средства за зајакнување на владеење на правото во Македонија. За оваа цел се издвоени дополнителни средства во износ од 4,318 милиони долари, соопшти МНР.
Со отпочнувањето на Стратешкиот дијалог меѓу Северна Македонија – САД, пријателските односи меѓу двете земји се подигнати на ново, повисоко ниво во име на продлабочување на стратешкото партнерство.
Стратешкиот дијалог почна на 2 јуни во Вашингтон, меѓу владината делегација предводена од Министерот за надворешни работи Бујар Османи, од наша страна и делегацијата, предводена од помошник-државниот секретар на САД за европски и евро-азиски работи, др. Карен Донфрид, од американска страна. Стратешкиот дијалог претставува форум кој обезбедува врамување на билатералните односи и соработката во одбраната, економијата, образованието, транспортот, енергетиката, климатските промени, демократскиот развој, борба против корупција, владеењето на правото, трговијата и други теми од заемен интерес