Бугарските државјани ќе можат да влегуваат во Турција без пасоши, туку само со лични карти, пренесува турскиот информативен сајт „Дикен“, повикувајќи се на указ на претседателот Реџеп Таип Ердоган, објавен во денешниот број на турскиот државен весник.
Според одлуката, Бугарите ќе можат да влезат во Турција со лична карта во случај на транзитна или туристичка посета до 90 дена во рок од 180 дена, според објавеното решение, пренесува БТА.