Портпаролката на руското Министерство за надворешни работи – Марија Захарова реагираше на одлуката на канадските власти да воведат санкции против рускиот патријарх Кирил истакнувајќи дека такво нешто можат да направат само сатанисти.
„Санкции против патријарх можат да воведат само сатанисти“ рече Захарова.
За потсетување, Канада ги прошири ограничувачките мерки и воведе санкции и против рускиот патријарх Кирил, соопштија од канадската Влада.
Во списокот со санкции се и Руската државна радио-телевизија, РТ, Спутик и други руски медиуми, а властите во Отава вовеле забрана за увоз на злато и производи од злато од Русија.