Обдукцијата покажала дека Мексиканка пронајдена обесена на граничниот ѕид во Аризона случајно се задушила, кога се заплеткала во опрема за качување обидувајќи се да го премине ѕидот на американско-мексиканската граница.
Во извештајот се наведува дека Гризелда Анаис Вердуцко Армента (31) била пронајдена обесена на граничниот ѕид, заплеткана во јаже и друга опрема за качување. Се додава дека имала скршеница на ‘рбетот, гребаници на главата, торзото и екстремитетите.
Канцеларијата на шерифот на округот Кочиз соопшти дека жената била пронајдена на 11 април како виси наопаку на ѕид во близина на Даглас, Аризона некое време и дека трагите на нејзиното тело покажуваат дека некој се обидел да ја реанимира, објави ABC News.