Веројатно знаете дека месото ќе биде највкусно ако се маринира, но важнa е и јачината на огнот за да не ги изгорите плескавиците и ќебапите или да не ги уништите пилешките крилца.
Љубителите на кулинарството од Good Housekeeping решија да проверат колку треба да биде јака скарата за да избегнат изгорено месо, кое често е сирово внатре, и препорачаа лесен начин за проверка.
По неколку тестови заклучиле дека треба да ја ставите раката над огнот, до 15 сантиметри, кога мислите дека е подготвен за скара. Потоа измерете во секунди колку долго успеавте да ја држите дланката над огнот пред да почне да ви пречи и ќе откриете дали е премногу слаба или пресилна.
Според нивните препораки, ако ја држите раката само две секунди, огнот е силен. Ако издржите три до четири секунди, тоа е средно до силен оган, а пет до шест секунди е средна јачина. Понатаму, седум до осум секунди значи дека е послаб оган, а повеќе од тоа не е добро за печење, пренесува tportal.