Мартина Навратилова, поранешната најдобра тенисерка во светот, исто како и актуелниот прв светски рекет Новак Ѓоковиќ, не се согласува со одлуката на организаторите на Вимблдон да не дозволат учество на руски и белоруски тенисери оваа година.
„Политиката го уништува тенисот. Протерувањето на Русите и Белорусите не е начин да се реши проблемот. Колку и да ги жалам украинските тенисери и народот, мислам дека Англичаните претераа со овој потег“, изјави легендарната Навратилова.
Ниту АТП ниту ВТА не ја поддржаа одлуката на Вимблдон.
„Се случуваат многу лоши работи, но ова е сосема погрешна одлука на Англиската тениска асоцијација. Ова нема да помогне никому. Разбирам казнување на тимови, но мислам дека од тоа треба да се изземат поединците“, истакна Навратилова.
> Навратилова: Политиката го уништува тенисот <
