СДСМ и Ковачевски се единствени што не го осудија промовирањето на фашизам од страна на Бугарија, обвинуваат од ВМРО-ДПМНЕ.
Како што наведуваат од опозициската партија, премиерот не го осудил отворањето на клубот „Ванчо Михајлов“ и е на линија со бугарските фашизоидни тенденции.
„Добрососедство не се шири со провокации, туку со добра волја и искрени намери. Доколку Петков е за добрососедство тој ќе отвори македонски културни центри во Бугарија. Ковачевски да го повика Петков и на почитување на македонското малцинство во Бугарија. Ковачевски мора да се придржува и до Декларацијата од Собранието, која е гарант на македонската нација, историја и јазик“, се наведува во партиската реакција во која се инсистира премиерот да побара и писмени гаранции за нашиот идентитет, јазик и историја од ЕУ.
