Поранешниот претседател на Русија, Дмитри Медведев има нов предлог.
Заменик-претседателот на Советот за безбедност на Русија, предложи да се прошири списокот на производи од непријателски земји на кои им е забранет увоз во Русија, велејќи дека Русија нема да купува ништо од таквите земји. Тој објасни и кое е тоа тивко, но застрашувачко оружје што го има Русија.
„ Ние нема да ги продаваме нашите стоки и земјоделски производи на нашите непријатели. Исто така, нема да купиме ниту една од нив (иако не сме ги купиле од 2014 година, но списокот на стоки на кои им е забранет увоз во Русија може да се прошири), напиша тој на неговиот канал на „Телеграм“.
Медведев, исто така, објасни дека Русија ќе продава храна и земјоделски култури само на пријателски земји: и за рубли и за нивната национална валута во договорени количини, пренесува „Спутник“.
„ Нашата храна и земјоделски култури ќе ги продаваме само на нашите пријатели (за среќа ги има многу надвор од Европа и Северна Америка). Тие ќе можат да плаќаат во рубли и во нивната национална валута во договорените количини“, посочи тој.
Според Медведев, домашниот пазар ќе има приоритет во снабдувањето со храна, а властите ќе им помогнат на земјоделците и ќе ги контролираат цените.
„ Нашиот домашен пазар ќе има приоритет во испораката на стоки, како и контрола на цените, а државата истовремено ќе продолжи опширно и систематски да им помага на земјоделците“, нагласи тој.
Медведев рече и дека руската храна е тивко, но опасно оружје на Русија.
