Дарко Каевски, исто како и Зоран Заев и Димитар Ковачевски е пример како во политиката се влегува како голтар, а се излегува милионер, велат од ВМРО-ДПМНЕ како реакција на изјавата на портпаролот на СДСМ.
Во реакцијата се посочува дека Дарко Каевски на само 30 години, без еден ден работа во реален сектор, само од функционерска плата успеал да се стекне со 4 милиони во банка и стан.
„Додека врсниците на Каевски едвај врзуваат крај со крај, тој ниже милиони. Принципот на Каевски е копија на неговите шефови Заев и Ковачевски. Ковачевски беше косопственик во фирми за фотоволатици, а синот на Заев сега отвори фирма за трговија со струја и на само 18 години влезе во овој милионски бизнис“, истакнуваат од ВМРО-ДПМНЕ.
