Портпаролката на Канцеларијата на ОН за човекови права, Равина Шамдасани, на брифинг во Женева рече дека руските власти треба да се погрижат жените да не се соочат со одмазда поради искористување на своето право на слобода на изразување, пренесува „Ројтерс“.
Претходно денеска официјален Кремљ како хулиганство ја окарактеризира акцијата на жената која го прекина преносот во живо на информативна емисија на рускиот државен „Прв канал“ со цел да го осуди конфликтот во Украина.
Жената која упадна во програмата во живо е вработена во истата телевизија и во очигледен чин на несогласување со руската акција во Украина, вчера ја прекина главната информативна програма на тој канал со транспарент со кој ги повикува гледачите „да не веруваат во пропаганда“ и „да ја прекинат војната“ во Украина, осудувајќи ја војната.
