Британскиот премиер Борис Џонсон денеска го предупреди Иран дека истекува времето за спас на нуклеарниот договор од 2015 година.
Џонсон телефонски разговарал со израелскиот премиер Нафтали Бенет за тековните преговори за иранскиот нуклеарен договор, кои продолжија во Виена, објави Ројтерс.
„Премиерот рече дека ОК сака преговорите во Виена да доведат до целосна ревизија на JCPОA (Заеднички сеопфатен акционен план), но додаде дека ни треба Иран да се вклучи со добра волја“, рече портпаролот на Даунинг стрит.
