Најстудено утрово е во Берово и во Маврово со -13 Целзиусови сетепени.
На Попова Шапка се измерени -12, во Крива Паланка -11, Скопје и Битола -10, во Штип, Куманово, Демир Капија, Дебар и Крушево -9, во Тетово, Прилеп и Струмица -8, Охрид -7, Гевгелија -5 и Дојран -4.
Највисока снежна покривка има на Попова Шапка 43 сантиметри, во Маврово е 38, а во Крушево осум, информира Управата за хидро-метеоролошки работи.
Времето денеска ќе биде сончево и студено со слаб ветер од северен правец.
Максималната температура ќе достигне од 0 до 8 Целзиусови степени.
Во Скопје сончево и студено со максимална температура до 4 степени.
