Измамници од социјалната мрежа „Фејсбук“ ги пренасочуваат корисниците кон страници кои наводно продаваат лажни ковид сертификати за невакцинирани лица, пишува Би-Би-Си.
Британците мора да го докажат својот статус на вакцинација за да влезат на одредени локации и да избегнат карантин по нивниот престој во странство.
Но, во објавите на „Фејсбук“ измамниците на невакцинираните лица им нудат лажни потврди за да ги избегнат прописите, пишуваат британските медиуми.
Од „Фејсбук“ беше соопштено дека спорната содржина веднаш ќе биде отстранета.
Известување за лажни потврди се пронајдени и при продажба на дрога, оружје и украдена стока, а продавачите тврдат дека поседуваат документација од повеќе земји, меѓу кои и од САД и ЕУ.
