Охрид, Струга, Ресен, Дебар и повеќе населени места во околината денеска снемаа струја, а неофицијално, причината поради која без електрична енергија се над 100 илјади жители, е голем дефект на системот.
Според првичните информации, станува збор за дефект на два далекувода на МЕПСО, Вруток – Шпиље и Битола – Ресен.
Поради прекинот, локалните жители имаат проблем и со мобилната телефонија и интернетот.
Засега нема информации кога би се санирале тековните проблеми.
Во тој регион од синоќа има обилни врнежи од дожд и снег на повисоките места, кој предизвикува проблеми и оштетувања.
