Тие го прославија Денот на благодарноста заедно, откако ги изненадија фановите со обновената романса претходно оваа година.
А Џенифер Лопез чувствува дека на неа и на Бен Афлек им е судено да бидат заедно, пишува „Пипл“, цитирајќи извор близок до двојката. „Тие се супер. Џенифер сака да биде со Бен,“ вели изворот.
Џенифер (52) и Бен (49) официјално ја потврдија нивната романса минатиот јули, откако претходно беа забележани заедно во многу прилики.
Иако работните обврски ги одвоија во последните недели, двете мега ѕвезди сепак се посветени еден на друг. Пред да се врати во Лос Анџелес минатата недела, Лопез беше во Канада на снимање на претстојниот трилер „Мајка“.
„Џенифер долета назад во Л.А. од Ванкувер за да го прослави Денот на благодарноста со своите деца и Бен. Последните неколку недели беа интензивни за неа,“ рече инсајдерот.
Нивната втора романса дојде многу брзо откако Џенифер ја заврши свршувачката со Алекс Родригез, со кого беше во врска четири години.
