Министерот за здравство, Венко Филипче, на попладневната прес-конференција по повод фаталниот пожар во модуларната ковид-болница во Тетово изјави дека од одговорност ниту бега ниту, ќе бега, но инсистира на тоа да заврши истрагата.
„Имам одговорност за менаџирање на ситуацијата, околу пациентите кои по пожарот и натаму се лекуваат, а по официјалните наоди од истрагата ќе донесам одлука дали ќе поднесам оставка“, посочи министерот.
Тој посочи дека е обезведена целата документација за сигурноста на објектите и повика да не се шират дезинформации.
Во пожарот во болницата во Тетово животот го загубија 14 пациенти, од вкупно 26 кои беа на лекување. Преживеаните 12 се пефрлени во болницата во Тетово.
Министерот исто така истакна дека починатите се на возраст од 29 до 79 години.
