Утрински Весник
Свет

Франција воведува бесплатна контрацепција за жени до 25 години

Франција воведува бесплатна контрацепција за жени до 25 години

Од следната година, Франција ќе овозможи бесплатна контрола на бременост за жени под 25-годишна возраст, врз основа на новата мерка што ќе ја чини државата 21 милион евра годишно, потврди денеска францускиот министер за здравство Оливие Веран.

Како што е наведено, мерката ќе вклучува и бесплатни медицински прегледи поврзани со контрацепција и ќе почне на 1 јануари.

„Има намалување на употребата на контрацепција кај некои млади жени, главно од финансиски причини“, изјави Веран за телевизијата „Франс 2“, пренесува „Ројтерс“

Тој нагласи дека е недозволиво жените да не можат да се заштитат и дека не можат да имаат пристап до контрацепција, доколку сакаат да направат таков избор, бидејќи тоа им е прескапо.

Објавувањето на новата политика доаѓа во време кога владата на претседателот Емануел Макрон се подготвува за изборната кампања во 2022 година, а досега возрасната граница за бесплатен пристап до контрацепција во Франција беше 18 години.

Абортусите во Франција се бесплатни и за сите жени и девојки.

Можете да прочитате

Нојман: Употребата на дронови во војната во Украина „не е пример“ за воздушните способности на НАТО

Институт за проучување на војна: Русија, Кина и Северна Кореја не му помогнаа на Иран во војната со Израел

Фидан: Поддршката за „геноциден Израел“ не е во ничија корист