Британскиот принц Вилијам, кој во исто време е и претседател на Фудбалската асоцијација (ФА) одамна призна дека е навивач на Астон вила, бидејќи е клуб со кој ги дели „вредностите“, но за кого навива неговата, баба, кралицата Елизабета Втора?
95-годишната Елизабета е позната како огромен љубител на трките со коњи и редовно ги посетува, вообичаено е возддржана во отвореното навивање за одредени партии и фудбалски клубови во Британија.
Иако прикладно би било да навива за некој од „елитните“ лондонски клубови со таква репутација како Тотенхем или Арсенал, во 2009 година, таа ги шокирала своите вработени, откако дознала дека еден од нив е навивач на Милвол.
„Кралицата никогаш не сакаше луѓето да дознаат за кого навива, бидејќи мора да е неутрална. Но, ја отрки тајната откако слушна дека еден од вработените во Виндзор е навивач на Милвол, откривајќи дека ги поддржува нивните лути ривали од Вест хем. Сите беа шокирани, бидејќи таа не е типичен навивач на Вест хем“, вели извор од нејзината придружба.
Според „Дејли мирор“, кралицата е долгогодишен навивач на Вест хем, поради почитувањето на поранешниот прв човек на клубот, Рон Гринвуд, кој ги однесе до титулата во ФА купот во 1964 и во Купот на куп победници во 1965 година.
> За кој фудбалски клуб навива кралицата Елизабета? <
