Утре ќе бидат објавени имињата на кандидатите за градоначалници од опозициската ВМРО-ДПМНЕ, што беа утврдени на Централниот партиски комитет, соопшти првиот човек на ВМРО-ДПМНЕ, Христијан Мицкоски.
Претседателот на ВМРО-ДПМНЕ, попладнево истакна дека на овие избори партијата ќе настапи со многу нови ликови, нова енергија, нова визија за развој и решавање на што повеќе проблеми.
„Најдоброто допрва доаѓа. И на крај, овие избори се повеќе од само локални, ова се работи за одлука каква општина, каква иднина сакате, и во каква земја сакате да растат вашите деца. ВМРО-ДПМНЕ оди на убедлива победа, на историски пресврт, за промени, за нов почеток, за покажување на дело дека има разлика“, напиша Мицкоски на социјалните мрежи.
