Утрово италијанската полиција и зададе голем удар на мафијата, бидејќи во полициска акција беа уапсени 85 лица обвинети за разни кривични дела, пренесуваат италијанските агенции.
Акцијата спроведена утрово е резултат на двегодишна истрага во неколку италијански градови, од Палермо до Рим, и уапсени лица обвинети за производство и дистрибуција на дрога, корупција, мито, уцена и продажба на оружје.
Меѓу уапсените е и Џузепе Витале, поранешна шефица на мафијата „Фардака“, која соработуваше со полицијата при претходното апсење, а последните две години, од тајна позиција, во соработка со семејство од Сицилија, ја водеше набавката и дистрибуцијата на дрога.
Поради дрога уапсен е и еден затворски чувар, за кого било утврдено дека како курир, тој овозможувал врски помеѓу мафијашите што биле во затвор и надворешниот свет.
Истрагата утврдила дека некои локални политичари се поврзани и со мафијата, а минатата година општинскиот совет беше распуштен, бидејќи некои членови беа вклучени во мафијашки работи.
