Кипарскиот парламент денеска ја избра првата жена претседател на собранието – 35-годишната Анита Деметриу, член на владејачката конзервативна партија Демократско собрание.
Деметриу ја доби поддршката од Демократскиот фронт на центарот и ЕЛАМ, екстремно десничарската партија која речиси двојно го зголеми бројот на пратеници на парламентарните избори минатиот месец, објави „Ројтерс“.
Деметриу е втора во државната хиерархија по претседателот на Кипар. По професија е политиколог и важи за една од најуспешните политичари во нејзината земја.
