Претседателот Стево Пендаровски денеска и утре ќе престојува во работна посета на Брисел, каде што е предвидено да оствари средби со челниците на Европската Унија и НАТО.
Kако што информираат од кабинетот на Пендаровски, тој во текот на денот ќе оствари средби со претседателот на Европскиот совет, Шарл Мишел, со претседателот на Европскиот парламент, Давид Сасоли, со потпретседателот на Европската комисија и висок претставник за надворешна и безбедносна политика на Европската Унија, Жозеп Борел.
Претседателот ќе се сретне и со комесарот за соседство и проширување, Оливер Вархељи, со европратеникот и известител за Република Северна Македонија, Илхан Кјучук, како и со специјалниот претставник на ЕУ за дијалогот Белград – Приштина и за други регионални прашања на Западен Балкан, Мирослав Лајчак.
В среда, 28 април, Пендаровски ќе оствари средба со генералниот секретар на НАТО, Јенс Столтенберг.
