Шпанија објави дека ќе ја ограничи употребата на вакцината на „Астразенека“ на постари од 60 години, откако Европската агенција за лекови објави дека згрутчувањето на крвта треба да се наведе како редок несакан ефект од вакцината на британско-шведската компанија, објави „Ројтерс“.
„Ние ќе продолжиме да ја даваме вакцината, но само на лица постари 60 години“, рече министерката за здравство, Каролин Дариус.
Со ова, Шпанија се приклучи на неколку други членки на ЕУ кои презедоа слични мерки.
ЕУ регулаторот за лекови, ЕМА, ги охрабри земјите да продолжат да ја користат вакцината на „Астразенека“, велејќи дека нејзините придобивки ги надминуваат ризиците.
Многу случаи на згрутчување на крвта се пријавени кај жени на возраст под 55 години, но ЕМА соопшти дека не успеа да ја утврди ризичната возрасна група.
