Јувентус и Милан, во летниот преоден рок, подготвувале размена на фудбалери, тврдат италијанските медиуми. Јувентус им го понудиле на Милан, Федерико Бернардески, во замена за Алесио Ромањоли.
Бернардески Ромањоли, не играат многу оваа сезона, навивачите имаат многу замерки за она што го прикажуваат на теренот, а и на двајцата договорите им истекуваат во јуни 2022 година.
Ромањоли се почесто е резерва кај Милан, бидејќи тренерот Стефано Пиоли, сметал дека е премногу бавен во формацијата 4-2-3-1. Од друга страна Јувентус се во потрага по централен дефанзивец, откако е извесно дека Џорџо Кјелини ќе ја заврши кариерата.
Бернардески, речиси цела сезона е резерва кај Андреа Пирло. Настапил на 36 натпревари, на кои не постигнал гол.
Клубовите веруваат дека ќе можат да ја реализираат размената бидејќи менаџер на фудбалерите е Мино Рајола.
> Јуве и Милан се подготвуваат да си разменат фудбалери <
