Нема дополнување на мерките за заштита од коронавирусот и во сила остануваат веќе донесените мерки за заштита, одлучи денеска Комисијата за заразни болести по увидот на епидемиолошката состојба.
Мерката за забрана за движење во периодот од 22 часот навечер до 5 часот наутро ќе трае до 6 април.
Нови мерки не се предлагаат, а надлежните институции постојано апелираат на почитување на мерките за заштита со носење маски и одржување дистанца, како и почитување на протоколите.
Комисијата за заразни болести оваа одлука ја донесе по согледувањата на новозаразените во последните неколку дена.
Спореде најавите Комисијата ќе заседава повторно најверојатно во понеделник.
