Угостителски објекти, хотелите и културните институции во Австрија ќе останат затворени до Велигден по одлуката на владата да ги продолжи мерките воведени поради пандемијата на Ковид-19. Австрискиот канцелар, Себастијан Курц, изјави дека на 1 март повторно ќе се анализира ситуацијата со експертите, лидерите на провинциите и парламентарните партии.
Според него, епидемиолошката состојба е сè уште стабилна и по олабавувањето на некои од мерките со кои беа отворени продавниците. Со оглед на тоа дека британската мутација на коронавирусот се шири во источниот дел на земјата, а јужноафриканската во Тирол, потребни се внимателност и да се избегнуваат приватни контакти.
