Аслан Карацев ја продолжи својата неверојатна серија на Австралија опен. Тенисерот кој првиот Гренд слем во сезоната го започна во квалификациите, стигна до полу-финалето.
Карацев, 114. на АТП листата, во четврт-финалето го победи Бугаринот Григор Димитров со 3:1 (2/6, 6/4, 6/1, 6/2).
Рускиот тенисер одигра неверојатен меч, успеа да се врати во игра, иако првиот сет го загуби за само 34 минути. Сепак, Карацев успеа да израмни на 1:1, а клучен беше брејкот што го направи во деветтиот гем. Во овој период од мечот Димитров започн да се жали на болки во грбот.
Карацев, сето тоа го искористи убедливо го доби третиот сет, а на ист начин го реши и четвртиот.
Карацев во полу-финалето ќе игра против пбедникот од дуелот помеѓу Александар Зверев и Новак Ѓоковиќ,.
> Трае магијата на Карацев, избори полу-финале на АО <
