Кошаркарите на Детроит Пистонс го победија актуелниот НБА шампион ЛА Лејкерс со 107-92. Блејк Грифин го предводеше Детроит до победата со 23 поени, а на спротивната страна Леброн Џејмс уфрли 22 поени со 10 асистенции и 7 скока за 35 минути на паркетот.
Кузма имаше 22 поени со 10 скока, а кај Пистонси уште четворица беа над 14 поени на овој меч.
Синоќешната е само петта победа за Детроит во 19 меча.
Мајами Хит го врза петтиот неуспех во низа откако синоќа загуби и од Клиперси со 109-105.
Батум со 19 поени ги предводеше кошаркарите од ЛА до победата, а придонес имаа и Вилијамс со 17, односно Морис и Џексон со по 16 поени.
Хјустон беше подобар од Портланд со 104-101. Оладипо беше најефикасен кај победниците со 25 поени, а залудни беа 30-те поени на Лилард кај Треилблејзерси.
Феникс беше подобар од Голден Стејт со 114-93. Сонцата ги предводеше Бриџис со 20 поени, а Стеф Кари кај поразениот тим уфрли 27 поени со 4 асистенции и 4 скока.
> Лејкерси загубија од најслабиот тим сезонава, петти неуспех во низа за Мајами <
