Бројот на случаи на злоупотреба на деца значително се зголеми за време на пандемијата на коронавирусот, објави денеска Европол.
Од почетокот на пандемијата во март годинава, сторителите поинтензивно пребаруваат на интернет содржини и материјали, изјави директорката на Европол, Кетрин де Боле.
„Гледаме големо зголемување на овој вид злоупотреба“ нагласи таа, предупредувајќи дека сторителите најверојатно ќе се обидат да стапат во директен контакт со деца кои, поради затворањето, поминуваат многу повеќе време на интернет без надзор.
Директорката на Европол е особено загрижена за зголемувањето на бројот на деца сексуално злоупотребени на интернет за време на пандемијата.
