Утрински Весник
Македонија

Наградени најдобриот скопски пожарникар, полицаец и крводарител за оваа година

Наградени најдобриот скопски пожарникар, полицаец и крводарител за оваа година

Градоначалникот на Град Скопје, Петре Шилегов ги додели наградите на најдобриот пожарникар, полициски службеник  и крводарител во Скопје за 2020 година.

Наградата за најдобар пожарникар за 2020 година ја доби Никола Мајнов – пожарникар спасител во Бригадата за противпожарна заштита на Град Скопје.

Дарко Јовановски, вработен во Полициска станица од општа надлежност „Гази Баба“, ја доби наградата за најдобар полициски службеник.

Звонко Васев е истакнат крводарител кој ја потврдил својата хуманост со 89 дарувања крв и ја добива наградата за крводарител на годината.

„Скопје е град на солидарноста и ние ја чуваме таа традиција, а хуманоста и солидарноста стана дел од нашите животи, од начинот на живеење на  скопјани. Во овие тешки времиња, особено тешки животни услови и ситуации предизвикани од  ковид-19, не можеме да ги заборавиме оние што се истакнале со својата хуманост преку своите дела. Се надевам дека овие награди ќе бидат мотив за добитниците, за нивните колеги, како и за сите нас, како колеги и граѓани да бидеме похумани и посолидарни и да се обидеме да помогнеме секогаш кога можеме, кога на некого ќе му биде потребна помош“, рече Шилегов.

 

Извор: makfax.mk

Можете да прочитате

Тешко повредена жена од Кривопаланечко, пријавила дека ја претепале поранешните сопственици на кравите

Нова потрага по исчезнатиот гостиварец, екипите го пребаруваат Вардар 

Возел пијан, удрил во паркирано возило и побегнал, па удрил во бетонски ѕид и повторно побегнал