Освен многуте нови проекти на „Војна на ѕвездите“, кои беа објавени за време на неодамнешната презентација пред инвеститорите во „Дизни“, се чини дека „Лукас филм“ е подготвен да ја донесе франшизата на поголема височина меѓу својата кинеска публика со првиот оригинален веб-роман „Војна на ѕвездите“.
Веста за веб-романот со наслов „Војна на ѕвездите: Заветот на сребрената зора“, за првпат беше објавена на официјалниот профил на „Војна на ѕвездите“, Веибо. Таму пишуваше дека онлајн-романот ќе биде објавен во литературните апликации под Chinese Literature (Kинеска литература), група во сопственост на кинескиот технолошки гигант „Тенцент“.
Веб-романот, поставен 200 години пред оригиналната трилогија „Војна на ѕвездите“, ја раскажува приказната за младиот падаван по име Шон и неговиот једистички господар, кои се испратени на патување од страна на Републиката за да го истражат убиството на политички владетел.
