Тројца тинејџери беа осудени во Англија за убиство на момче. Ужасниот напад се случил во февруари, кога тинејџери на велосипед нападнале 15-годишно момче и без причина го проболе до смрт.
Бабакар Дијагне (15), жртвата на нападот, не ги познавал тројцата напаѓачи, пренесува „Би-би-си“.
На снимката се гледа како еден од напаѓачите го сретнал Бабакар во друштво на пријатели, се свртел по нив, се погледнале и продолжиле секој во својата насока. Не поминало многу време, убиецот се нашол со уште двајца и заедно тргнале со велосипеди да го бараат момчето кое дури не го ни познавале.
Тие го пречекале и го проболе со нож. Имал 18 убоди, претежно на градите и на горниот дел од телото.
Напаѓачите прво почнале да го удираат детето, а потоа го фрлиле на под. Тој прво се спротивставил, но по ударот во глава останал да лежи неподвижен.
Сите тројца се прогласени за виновни за убиство.
Бидејќи станува збор за малолетници, нивните имиња се недостапни за јавноста, иако судијата го разгледува барањето за укинување на ограничувањата што ќе овозможи нивно идентификување.
Тинејџерите се соочуваат со можни доживотни затворски казни.
