Шкотската пејачка, текстописец и актерка Ширли Менсон смета дека на жените им го перат мозокот уште од детството за да веруваат дека најдобрите години во нивниот живот се кога се згодни и секси.
Кога наполнив 30, се сеќавам дека верував во некои чудни работи, вели таа во интервју за британски „Индепендент“.
Музичката sвезда, вокалистка на алтернативиот бенд „Гарбиџ“, се присетува дека го чувствувала притисокот да ја „смири шминката“ и да престане да носи „неприкладна облека“.
Сепак, пристапот на Вивиен Вествуд и Доли Партон ја охрабрил да го преиспита својот избор.
„Тие ми дозволија да бидам своја, иако културата сакаше да ме намали.“
“До 2006 година, веќе бев во четириесеттите и мислев дека сè е готово за мене. Жените музичари на кои се гледа како на сексуални објекти не им се дава шанса откако ќе поминат одредена точка,“ рече музичарката.
