Ова е камионот од чија приколка беа украдени 200 кутии со два тона канабис, а кој сега е оставен на паркинг на патот кон граничниот премин Блаце.
Кражбата на двата тона канабис се случи во петокот, а полицијата уште во саботата го лоцирала камионот, но без приколката.
Складот од каде била изнесена марихуаната бил со обезбедување и во дел од селото каде немало поголемо движење на луѓе, а движењето во тој реон и не било дозволено од безбедносни причини.
Погонот ги имал сите лиценци за производство на марихуана и преработка за потреби за производство на масло.
Полицијата синоќа започна голема акција во скопско Арачиново каде бил лоциран канабисот во количина од два тона, одземен од погонот во валандовско Јосифово.
